el poble d’Arties (Val d’Aran) recupera una taula gòtica de l’església de Santa Maria.

22 09 2010

NOTÍCIA DE PREMSA (Font: Viure als Pirineus, 21 setembre 2010)

Eth president dera Deputacion de Barcelona, Antoni Fogué, e eth sindic d’Aran, Francés Boya, an formalizat aué era entrega dera taula a on ei representada era scèna dera Ascencion, qu’aperten ath retaule gotic dera glèisa de Santa Maria d’Arties. Se tracte d’ua reproduccion encomanda pera Deputacion de Barcelona, responsabla deth Musèu Maricel de Sitges, a on se tròbe aguesta taula perduda pendent es ans dera Guèrra Civila, en un des traslats deth retaule.

Eth sindic a arregraït ara Deputacion “eth sòn gèst e era sua volentat entà reprodusir aguesta pèça de naut valor artistic, simbolic e sentimentau entath pòble d’Arties”, dempús des negociacions amiades a tèrme peth Conselh entà recuperar era taula. Francés Boya a soslinhat que “es institucions coma eth Conselh Generau an era obligacion de recuperar e suenhar eth patrimòni deth sòn país”.

Era Deputacion de Barcelona a encomanat era reproduccion ara empresa Arsus Paper, especializada ena reproduccion de pintures damb era tecnica de papèr gèu. A agut un còst de 7.000 èuros.

Eth retaule d’Arties ei ua òbra d’estil gotic, de mitat deth sègle XV, que presidie er autar major dera glèisa. En an 1936, eth retaule siguec desmontat e trasladat entà Lhèida damb er objectiu de protegir-lo. Acabada era Guèrra, eth retaule retornèc tà Arties, mès en tot mancar-i es scènes dera Ascension e dera Pentacosta, que possiblament desapareisheren en quauqu’un d’aguesti traslats. Actuaument se desconeish que se n’a hèt dera scèna dera Pentacosta.

Era taula dera Ascension entrèc a formar part dera colleccion privada deth doctor Pérez Rosales. Aguest mètge hèc donacion, en an 1971, dera sua colleccion privada, qu’ath delà dera nomentada taula d’Arties, includie tanben ua auta òbra de procedéncia aranesa: eth fresc damb era representacion deth Pantocrator de Santa Maria de Cap d’Aran. A compdar d’alavetz, andues pèces formèren part dera colleccion deth Musèu Maricel de Sitges.

Advertisements

Accions

Information




%d bloggers like this: